標籤 每日逸事 下的所有文章

2015我既世界大事小回顧

  2015過去喇。呢一年對我黎講係比較心情沈痛又複雜既一年。

首先,上年既年尾因為病,住左一個星期醫院,而家仲要定期覆診同食藥,唔知會唔會根治,但係自己感到有好轉,同埋早發現,唔係到病危就慘喇。希望16年,自己、家人、朋友都唔好有咩大病痛啦。

第二,老婆大人今年轉左一份輪班輪休既工作。初初,我真係替佢同自己好擔心架。因為大人身體一向比較差,輪班工作對體力同精神既要求都嚴格。好彩,佢都冇咩,仲做得好開心,咁就好喇。另外,因為佢要輪班,所以照顧大小魔怪既工作就交左俾我啦,起初,真係好擔心,因為自己本身唔係好識管理自己,所以要教導佢地,我真係舉手投降。 慶幸有外母幫手之外,佢地都算聽話聽教(有陣時啦)。

第三,大魔怪今年脫離小學雞行列,其實我真係好擔心架,唔知派得好唔好,唔知佢適唔適應到,唔知佢同同學相處成點,唔知跟唔跟得上。總之,就有好多擔心,托賴,暫時都未有大問題。

第四,魔怪爺爺離開左我地喇。雖然係有不捨,但係見佢離開,脫離左痛苦,覺得對佢黎講可能係另一種幸福呢! 老頭子,放心啦,我會連你果份都頂埋,好好咁努力落去。

祈望,2016年一切都順利,有小難題就好喇,因為我真好懶呀。

呀,唔記得呢個反斗星小魔怪。 希望佢健健康康就好喇。

#每日逸事 #多愁善感的雙魚

  

港豬煉成

  忙左成日,上上水先…
魔怪爺爺因為一啲老人病上星期同上上星期都入左幾日廠大修,好彩係見佢有返精神,個心先定啲,上上星期見佢,喘晒氣,眼都反埋,我都淆底架。
咁尋日搭車出去聯合,老實講搭車等車真係睇到好多人生百態。我由屯門搭車出九龍,咁就晌轉車站轉車啦。
排晌我後面,有一對夫妻加佢個仔同仔既女朋友一共四個人啦,個媽咪企唔夠一陣,就批評個女朋友仔既衣著,大佬呀,人地後生青春少女梗係背心短褲啦,你就用你啲六十年代喇叭褲先係型既思想去比較,有冇攪錯呀。
跟住,佢個寶貝仔同女朋友講話有啲喉嚨痛,阿媽就即時好緊張咁,一手捉住個下巴,要佢張開口睇,一面又懶温柔咁教訓個仔話佢夜瞓,跟本就當個女朋友唔存在咁。大佬呀,佢個仔唔係三歲呀。
另外,仲有一種奇景,不過我就落車返歸,得閒再打埋…

生與死

其實,真係唔想講呢個話題。不過,呢一排經歷過一些生離死別既情況,所以特別有感而發。

生同死係自然循環既必經階段,有死就有生,有生才有死。人根本無力脫離呢人循環。但係現世既生活,卻加速或影響,好天津大爆炸,就係咁。

我聽過一啲坊間既傳說,每逢節日或盂蘭節,同常意外就特別多…,因為有一部分的,要進入呢個循環呢!